पुणे वैभव : न्यूज नेटवर्क

पुणे : पुणे सातारा महामार्गलगत असलेल्या भोर तालुक्यातील सारोळे ते शिंदेवाडी पर्यंत च्या गावा मध्ये अनेक कंपनी हॉटेल व प्लॉटिंग करणाऱ्या व्यवसायिकांनी पुणे शहर व परिसरात विविध इमारती, गृहप्रकल्प तसेच व्यावसायिक बांधकामांसाठी मोठ्या प्रमाणावर उत्खनन केले असलेल्या जागेमधून. या उत्खननातून निघणारा मुरूम, माती व दगड भोर तालुक्यातील विविध ठिकाणी भरावासाठी नेला जात असल्याचे चित्र अनेक भागांत पाहायला मिळत आहे. मात्र,
हा मुरूम-दगड कोणत्या परवानगीने काढला जात आहे, त्याची वाहतूक नियमानुसार होत आहे का आणि भरावासाठी आवश्यक परवानग्या घेतल्या आहेत का, याबाबत नागरिकांकडून प्रश्न उपस्थित केले जात आहेत.
शहरी भागात इमारतींच्या बांधकामासाठी पाया खोदताना मोठ्या प्रमाणात माती, मुरूम व दगड बाहेर काढला जातो. हा उत्खनन केलेला माल भोर तालुक्यात हॉटेल कंपनी, प्लॉट, रस्त्यालगतची जागा तसेच इतर ठिकाणी भरावासाठी नेला जात असल्याचे दिसून येते. काही ठिकाणी मोठ्या डंपरमधून दिवसरात्र वाहतूक होत असल्याने रस्त्यांवर धुळीचे साम्राज्य निर्माण होत आहे.

परवानग्यांचा मुद्दा ऐरणीवर
उत्खननातून निघालेला मुरूम-दगड वाहून नेताना संबंधित विभागाच्या नियमांचे पालन करणे आवश्यक आहे. उत्खननाचे ठिकाण, वाहतुकीचे प्रमाण, भरावाचे ठिकाण आणि संबंधित परवानग्या यांची तपासणी होणे गरजेचे आहे. मात्र काही ठिकाणी प्रत्यक्ष परवानगीपेक्षा अधिक प्रमाणात उत्खनन अथवा वाहतूक होत आहे का, याची प्रशासनाने पाहणी करण्याची मागणी नागरिकांकडून होत आहे.
प्रशासनाने तपासणी करण्याची मागणी
ग्रामीण भागात सुरू असलेल्या अशा भरावाच्या कामांची संबंधित महसूल, खनिकर्म तसेच स्थानिक प्रशासनाने प्रत्यक्ष पाहणी करावी. उत्खनन कुठे झाले, किती प्रमाणात मुरूम-दगड काढण्यात आला, तो कुठे नेण्यात आला आणि वाहतुकीसाठी आवश्यक कागदपत्रे आहेत का, याची तपासणी करावी, अशी मागणी ग्रामस्थांकडून होत आहे.
दरम्यान, नियमांचे उल्लंघन आढळल्यास संबंधितांवर नियमानुसार कारवाई करण्यात यावी, तसेच अनधिकृत उत्खनन व वाहतूक रोखण्यासाठी नियमित पथकाद्वारे तपासणी करण्यात यावी, अशी अपेक्षा नागरिकांनी व्यक्त केली आहे.
प्रशासनाच्या तपासणीनंतरच या मुरूम-दगडाच्या उत्खनन व वाहतुकीमागील नेमकी वस्तुस्थिती स्पष्ट होणार आहे. अशी जोरदार चर्चा भोर तालुक्यातील नागरिक करत आहेत.

The post पुण्यातील बांधकामासाठी उत्खनन केलेला मुरूम-दगड भोर तालुक्यात भरावासाठी; वाहतुकीवर प्रश्नचिन्ह appeared first on PUNE VAIBHAV NEWS.

पुणे वैभव : न्यूज नेटवर्क
भोर / किकवी
किकवी येथील श्री छत्रपती शिवाजी विद्यालय मध्ये 15 ऑगस्ट स्वातंत्र्या दिना निमित्त निबंध स्पर्धेचे आयोजन करण्यात आले होते. या निबंध स्पर्धेत इयत्ता 5 वी ते 10 च्या सर्व विद्यार्थ्यांनी निबंध स्पर्धेत उत्स्फूर्त सहभाग घेतला होता
किकवी येथील श्री छत्रपती शिवाजी विद्यालयातील विद्यार्थ्यांच्या कलागुणांना वाव देण्यासाठी निबंध स्पर्धेचे आयोजन करण्यात आले होते. या स्पर्धेला विद्यार्थ्यांचा उत्स्फूर्त प्रतिसाद मिळाला. विविध विषयांवर विद्यार्थ्यांनी आपले विचार प्रभावीपणे मांडत स्पर्धेत सहभाग घेतला.
विध्यार्थ्यांना . माझा आवडता स्वातंत्र्या सेनानी . स्वातंत्र्या दिन. पर्यावरण संवर्धन, स्वच्छ भारत, शिक्षणाचे महत्त्व, माझा भारत देश महान, वृक्षसंवर्धन, मोबाईलचे फायदे व तोटे आदी विषय देण्यात आले. विद्यार्थ्यांनी दिलेल्या विषयांवर सुंदर व आशयपूर्ण निबंध लिहून आपल्या लेखनकौशल्याचे दर्शन घडविले.
निबंध लेखनातून विद्यार्थ्यांच्या विचारशक्तीला, कल्पनाशक्तीला आणि लेखनकौशल्याला चालना मिळाली. विद्यार्थ्यांनी सामाजिक, शैक्षणिक तसेच पर्यावरणविषयक प्रश्नांवर आपले विचार मांडले.
यावेळी शाळेचे मुख्याध्यापक विनोद राऊत सर जाधवर सर बोबडे सर मगर सर मोरे सर धानवले सर. सुतार म्याडम . राऊत म्याडम . दळवी म्याडम. वीर म्याडम. कर्मचारी तसेच विद्यार्थी उपस्थित होते. मुख्याध्यापक विनोद राऊत सर यांनी विद्यार्थ्यांचे कौतुक करताना अशा स्पर्धांमुळे विद्यार्थ्यांच्या सुप्त कलागुणांना वाव मिळतो तसेच आत्मविश्वास वाढण्यास मदत होते, असे सांगितले.
निबंध स्पर्धेच्या यशस्वी आयोजनासाठी शाळेतील शिक्षक व विद्यार्थ्यांनी विशेष परिश्रम घेतले. स्पर्धेच्या आयोजनाबद्दल पालकांनीही समाधान व्यक्त केले.

The post किकवी विद्यालयात 15 ऑगस्ट निमित्त निबंध स्पर्धेचे आयोजन appeared first on PUNE VAIBHAV NEWS.

किकवीच्या विद्यालयात वारकरी दिंडी सोहळा उत्साहात

पुणे वैभव : भोर

विद्यार्थी वारकरी दिंडीतून संत परंपरा, व्यसनमुक्ती व पर्यावरण संवर्धनाचा संदेश देत किकवी शिक्षण संस्था संचलित श्री छत्रपती शिवाजी विद्यालय, किकवी (ता. भोर, जि. पुणे) येथे दिनांक 26 जुलै 2026 रोजी विद्यार्थी वारकरी दिंडी सोहळा मोठ्या उत्साहात आणि भक्तिमय वातावरणात संपन्न झाला.

वारकरी दिंडीत सहभागी झालेल्या विद्यार्थी-विद्यार्थिनींनी पारंपरिक वारकरी वेशभूषा परिधान करून मृदुंगाच्या तालावर भजन, अभंग व गवळणी सादर करत भक्तिमय वातावरण निर्माण केले. किकवी गावातील संपूर्ण परिसर विठ्ठलनामाच्या गजराने दुमदुमून गेला.

कार्यक्रमाच्या प्रारंभी विद्यालयाचे मुख्याध्यापक श्री विनोद दशरथ राऊत यांनी उपस्थित मान्यवरांचे शाल व श्रीफळ देऊन स्वागत केले. यावेळी विद्यार्थ्यांना महाराष्ट्राच्या समृद्ध वारकरी संत परंपरेची ओळख करून देत तिचे सांस्कृतिक, सामाजिक व आध्यात्मिक महत्त्व पटवून देण्याचा प्रयत्न करण्यात आला.

कार्यक्रमाच्या अध्यक्षस्थानी किकवी शिक्षण संस्थेचे अध्यक्ष श्री दत्तात्रय भिलारे उपस्थित होते. यावेळी कार्याध्यक्ष श्री राजेंद्र निगडे, सहसचिव श्री ईश्वर भिलारे, संचालक श्री बाळासाहेब चव्हाण, संचालक श्री प्रमोद पाटणे, किकवी ग्रामपंचायतीचे सरपंच श्री नवनाथ कदम, ग्रामसेवक श्री गेजगे भाऊसाहेब, श्री अशोक राऊत, सामाजिक कार्यकर्ते श्री अजीत शेख, श्री लुकेश मोदी, श्री मंगेश काकडे, श्री तुळशीराम अहिरे, सेवानिवृत्त शिक्षक श्री विलास रनवरे, महिला भजनी मंडळाचे सदस्य, किकवी पोलिस स्टेशनचे कर्मचारी, विद्यालयातील सर्व शिक्षक-शिक्षकेतर कर्मचारी तसेच पंचक्रोशीतील ग्रामस्थ मोठ्या संख्येने उपस्थित होते.

याचबरोबर प्रहरी गटाच्या माध्यमातून व्यसनमुक्तीचा संदेश देणारे फ्लेक्स प्रदर्शित करण्यात आले. अमली पदार्थांच्या सेवनामुळे होणारे दुष्परिणाम जनतेपर्यंत पोहोचविण्यासाठी विद्यार्थ्यांनी प्रभावी घोषणा देत जनजागृती केली. तसेच इको क्लबच्या माध्यमातून वृक्षारोपण व पर्यावरण संवर्धनाचे महत्त्व अधोरेखित करणारे संदेश फलक सादर करण्यात आले.

भक्ती, सामाजिक जाणीव आणि पर्यावरण संवर्धनाचा सुंदर संगम घडवून आणणारा हा विद्यार्थी वारकरी दिंडी सोहळा अतिशय उत्साहपूर्ण वातावरणात पार पडला. कार्यक्रमाच्या शेवटी सर्व विद्यार्थ्यांना खाऊचे वाटप करण्यात आले. अखेरीस विद्यालयाचे मुख्याध्यापक श्री विनोद दशरथ राऊत यांनी उपस्थित मान्यवर, पालक, ग्रामस्थ व सर्व सहकाऱ्यांचे आभार मानले.

The post किकवीच्या विद्यालयात वारकरी दिंडी सोहळा उत्साहात appeared first on PUNE VAIBHAV NEWS.

पुणे वैभव : न्यूज नेटवर्क भोर

[दिनांक] : 09/07/2026 रोजी
पुणे ग्रामीण नियंत्रण कक्ष व राजगड पोलीस ठाणे यांच्याकडून भिवंडी (मुंबई) येथून चोरीस गेलेली मारुती सुझुकी अर्टिगा (क्र. MH 04 KR 2357) ही कार खेड शिवापूर टोल नाका पार करून साताऱ्याच्या दिशेने जात असल्याची माहिती प्राप्त झाली.

सदर माहिती मिळताच सारोळा TAP चे प्रभारी API हणमंत पाडळकर यांच्या मार्गदर्शनाखाली कापुरहोळ चौक येथे राजगड पोलीस ठाण्याच्या समन्वयाने तात्काळ नाकाबंदी करण्यात आली. या कारवाईदरम्यान चोरीची कार अडविण्यात आली असून, त्यामधील तीन संशयित आरोपींना ताब्यात घेण्यात आले.

ताब्यात घेण्यात आलेले आरोपी तसेच चोरीस गेलेले वाहन पुढील तपास व कायदेशीर कारवाईसाठी राजगड पोलीस ठाण्याच्या ताब्यात देण्यात आले आहे.

सदर कामगिरी सारोळा TAP चे प्रभारी API हणमंत पाडळकर यांच्या मार्गदर्शनाखाली निलेश ओव्हाळ पोलीस कॉन्स्टेबल ( ब . क्र 1183 ) PSI धुमाळ, हेड कॉन्स्टेबल सय्यद (ब.क्र. 343), हेड कॉन्स्टेबल निगडे (ब.क्र. 1879), हेड कॉन्स्टेबल पाटोळे (ब.क्र. 999) व पोलीस कॉन्स्टेबल जाधव (ब.क्र. 2843) यांनी राजगड पोलीस ठाण्याचे हेड कॉन्स्टेबल पाडळकर व पोलीस कॉन्स्टेबल साळुंखे यांच्या समन्वयाने यशस्वीरीत्या पार पाडली.

सारोळा TAP व राजगड पोलीस यांच्या तात्काळ प्रतिसादामुळे, उत्कृष्ट समन्वयामुळे व सतर्कतेमुळे चोरीचे वाहन जप्त करून आरोपींना ताब्यात घेण्यात यश आले.

The post महामार्ग सुरक्षा पथक व राजगड पोलीस यांच्या संयुक्त कारवाईत चोरीची कार जप्त; तीन आरोपी ताब्यात appeared first on PUNE VAIBHAV NEWS.

भोर तालुक्यातील वागजवाडी व मोरवाडी ग्रामपंचायत मध्ये पाच वाड्या वस्त्यांना गेली पंधरा दिवसापासून विज पुरवठा नियमित सुरु नसल्यामुळे या दोन्ही गावातील नागरिक संतापले आहेत.
पाहिले वायरमेन अमोल पाटणे यांची बदली झाल्यामुळे नवीन वायरमेन प्रकाश चौधरी यांची नियुक्ती वागजवाडी व मोरवाडी गावांत् झाली .
पहिले वायरमेन अमोल पाटणे हे किकवीचे रहिवाशी असल्यामुळे विज पुरवठा खंडित झाल्यावर किमान अर्ध्या तासाच्या आत विज पुरवठा सुरळीत करत असत .
पण नवीन वायरमेन प्रकाश चौधरी हे 20 ते 22 किलोमीटर अंतरावर भोर शहरात वस्त्याव्यास आहेत.
वायरमन गावात राहत नसल्याने गावातील नागरिकांना मोठ्या गैरसोयीला सामोरे जावे लागत आहे. वीजपुरवठा खंडित झाल्यानंतर दुरुस्तीसाठी संबंधित कर्मचाऱ्यांची प्रतीक्षा करावी लागत असल्याने नागरिकांमध्ये नाराजी व्यक्त होत आहे.
गावामध्ये वीजपुरवठा खंडित झाल्यास तत्काळ दुरुस्ती होणे अपेक्षित असते. मात्र, संबंधित वायरमन गावात वास्तव्यास नसल्यामुळे वीज बिघाडाची माहिती दिल्यानंतर त्यांना बाहेरून गावात येण्यासाठी वेळ लागतो. परिणामी, नागरिकांना चार ते पाच तास अंधारात राहावे लागत असून दैनंदिन कामांवर त्याचा परिणाम होत आहे.
विशेषतः रात्रीच्या वेळी वीजपुरवठा खंडित झाल्यास महिला, ज्येष्ठ नागरिक आणि विद्यार्थ्यांना मोठा त्रास सहन करावा लागतो. उन्हाळ्याच्या दिवसांमध्ये उकाड्यामुळे नागरिकांची अधिकच गैरसोय होते, तर विद्यार्थ्यांच्या अभ्यासावरही परिणाम होत असल्याचे ग्रामस्थांनी सांगितले.
शेतीसाठी वीजेवर अवलंबून असलेल्या शेतकऱ्यांनाही याचा फटका बसत आहे. पाणीपुरवठा योजना, मोटारपंप तसेच इतर कृषी कामे वीज नसल्यामुळे ठप्प होतात. वारंवार होणाऱ्या या समस्येमुळे ग्रामस्थांमध्ये असंतोष वाढत आहे.
गावातील नागरिकांनी संबंधित वीज वितरण विभागाकडे गावातच वायरमनची नियुक्ती करावी किंवा किमान जवळच्या परिसरात त्यांची उपलब्धता सुनिश्चित करावी, अशी मागणी केली आहे. यामुळे वीज बिघाड दुरुस्तीचे काम तातडीने होऊन नागरिकांना होणारा त्रास कमी होण्यास मदत होईल.
ग्रामस्थांनी प्रशासन आणि वीज वितरण कंपनीने या समस्येकडे गांभीर्याने लक्ष देऊन तातडीने उपाययोजना कराव्यात, अशी अपेक्षा व्यक्त केली आहे. अन्यथा मोठ्या पुणे सातारा महामार्गांवर मोठ्या प्रमाणात रस्ता रोको आंदोलन करणार असल्याची चर्चा या गावातील नागरिक करत आहेत.

The post वायरमन गावात राहत नसल्याने नागरिकांची गैरसोय; वीजपुरवठा खंडित झाल्यास तासन्तास प्रतीक्षा appeared first on PUNE VAIBHAV NEWS.

लाईटीच्या जाचाला कंटाळून ग्रामीण भागातील नागरिक शहरात होणार रहिवाशी

पुणे वैभव : न्यूज नेटवर्क भोर

• पुणे जिल्ह्यातील भोर तालुक्यातील नागरिक सतत जाणाऱ्या लाईटीच्या जाचाला कंटाळून ग्रामीण भागातून शहरी भागात राहण्यासाठी जाणार असल्याची चर्चा चालू आहे .
  1960 ते 1970 च्या दशकात नव्याने ग्रामीण भागात लाईटीचे आगमन झाले तेव्हापासून 2026 पर्यंत जुन्या गंजलेल्या खांब तारांवरती तालुक्यातील ग्रामीण भागातील लाईटीचा खेळ चालू असल्यामुळे एखादी हलकी वाऱ्याची झुळूक जरी आली तरी चार चार तास लाईट जात आहे.
  आजच्या जीवनामध्ये लाईट नसेल तर माणसाचे आयुष्य शून्य असून . नागरिकांच्या जीवनात प्रत्येक गोष्टीला लाईट आवश्यक आहे.
  त्यामध्ये सध्या आखाती देशातील युद्धामुळे देशात गॅस तुटवडा असल्यामुळे अनेक नागरिकांनी लाईटवर चालणाऱ्या शेगड्या घेतल्यामुळे रोजचे जीवनावश्यक जेवण विद्युत शेगडीवर बनवण्याचे काम चालू आहे आणि त्यात भरमसाठ पडलेल्या उष्ण तापमान वाढत असून.
  भोर तालुक्यातील ग्रामीण भागात थोडी हवा सुटली तरी देखील चार चार तास लाईट जात असून या गंभीर बाबीकडे विद्युत महावितरण कंपनीचे अभियंता शाखा अभियंता अधिकारी लाईनमन वायरमेन निष्काळजीपणाने काम करत असल्याने निकृष्ट व निष्काळजी कामामुळे ग्रामीण भागातील नागरिक शहरी भागांमध्ये वास्तव्यासाठी जाणार असल्याची चर्चा सध्या भोर तालुक्यातील ग्रामीण भागात चालू आहे .
  जुनी झालेले विद्युत खांब तारा नव्याने बसवण्यासाठी पुणे जिल्हा अधिकारी यांना निवेदन देणार असल्याचे सामाजिक चळवळीतील कार्यकर्ते यांनी सांगितले आहे.
  हा लाईटचा लपंडाव जर थांबला नाही तर अभियंता शाखा अभियंता वायरमेन लाईनमन यांच्या विरोधात जिल्हा अधिकारी कार्यालय पुणे यांच्या प्रांगणात ग्रामीण भागातील नागरिक आंदोलन करणार असल्याची ही चर्चा चालू झालेली आहे .
  महात्मा गांधी म्हणायचे खेड्याकडे चला तर महामानव डॉ बाबासाहेब आंबेडकर म्हणायचे शहराकडे चला. आता खऱ्या अर्थाने लाईटीच्या जाचाला कंटाळून शहराकडे जाण्याची गरज ग्रामीण भागातील नागरिकांना आहे असे नागरिक चर्चा करत आहेत.

The post लाईटीच्या जाचाला कंटाळून ग्रामीण भागातील नागरिक शहरात होणार रहिवाशी appeared first on PUNE VAIBHAV NEWS.

नवसह्याद्री महाविद्यालयाला स्वायत्ततेचा दर्जा

पुणे वैभव न्यूज नेटवर्क : भोर/ नसरापूर

नवसह्याद्री शिक्षण संस्थेच्या नवसह्याद्री महाविद्यालयाला विद्यापीठ अनुदान आयोगाकडून स्वायत्ततेचा दर्जा प्राप्त झाला आहे. या निर्णयामुळे संस्थेच्या शैक्षणिक गुणवत्तेला नवे बळ मिळणार असून विद्यार्थ्यांना अधिक आधुनिक आणि उद्योगाभिमुख शिक्षणाची संधी उपलब्ध होणार असल्याची माहिती संस्थेचे अध्यक्ष पोपटराव सुके यांनी दिली.

नसरापूर तालुका भोर येथील नवसह्याद्री महाविद्यालयातील अभियांत्रिकी पदवी व पदव्युत्तर पदवी, एमबीए व एमसीए व पीएचडी संशोधन केंद्र, बीबीए, बीसीए या महाविद्यालयांना स्वायत्त दर्जा मिळाला आहे. भोर तालुक्यातील स्वायत्त असलेले नवसह्याद्री हे पहिले महाविद्यालय ठरलं आहे. स्वायत्ततेमुळे बदलत्या तंत्रज्ञान आणि उद्योगाच्या गरजेनुसार अभ्यासक्रम वेळोवेळी अद्ययावत करता येणार असल्याची माहिती संस्थेचे ग्रुप डायरेक्टर सागर सुके यांनी दिली आहे.

महाविद्यालय प्रशासनाने या निर्णयाचे स्वागत करताना सांगितले की, स्वायत्ततेमुळे विद्यार्थ्यांच्या कौशल्यविकासावर अधिक भर देता येईल. तसेच संशोधन, नवोपक्रम आणि उद्योजकता यांना चालना मिळेल. यामुळे विद्यार्थ्यांच्या रोजगारक्षमतेतही वाढ होण्याची अपेक्षा व्यक्त करण्यात आली आहे. विद्यार्थी व पालकांमध्येही या निर्णयामुळे उत्साहाचे वातावरण असून, उच्च दर्जाचे शिक्षण आणि अधिक संधी उपलब्ध होणार असल्याचा विश्वास व्यक्त केला जात आहे.

स्वायत्ततेच्या माध्यमातून नवसह्याद्री महाविद्यालयाने शैक्षणिक उत्कृष्टतेकडे एक महत्त्वपूर्ण पाऊल टाकले असून, येत्या काळात हे महाविद्यालय राज्यातील अग्रगण्य संस्थांमध्ये स्थान मिळवेल, असा विश्वास व्यक्त केला जात आहे.

महाविद्यालयास स्वायत्त दर्जा मिळाल्याबद्दल संस्थेचे संस्थापक अध्यक्ष पोपटराव सुके, उपाध्यक्षा प्रा. सायली सुके, ग्रुप डायरेक्टर सागर सुके, सर्व महाविद्यालयांचे प्राचार्य यांनी सर्वांचे अभिनंदन केले.

The post नवसह्याद्री महाविद्यालयाला स्वायत्ततेचा दर्जा appeared first on PUNE VAIBHAV NEWS.

वन विभागाच्या हदीत मध पोळे काढताना झाडावरून पडून मृत पावलेल्या तरुणाला न्याय कधी

पुणे वैभव : न्यूज नेटवर्क
भोर : भोर तालुक्यातील बनेश्वर मंदिर परिसरात मधमाश्यांचे पोळे काढताना झालेल्या दुर्दैवी घटनेत एका आदिवासी तरुणाचा मृत्यू झाला आहे,

मंगळवारी (दि. १७) रात्रीच्या सुमारास अगी महू काढण्याचे काम सुरू असताना विष्णू मारुती पवार झाडावर उंच फांदीवर मध काढण्याचे काम करत असताना त्याचा तोल जाऊन तो खाली कोसळला. या अपघातात तो गंभीर जखमी झाला. सहकाऱ्यांनी व उपस्थितांनी तातडीने त्याला नसरापूर येथील खासगी रुग्णालयात दाखल केले. प्राथमिक उपचारानंतर प्रकृती गंभीर असल्याने त्याला पुण्यातील ससून रुग्णालयात हलविण्यात आले; मात्र उपचार सुरू असतानाच त्याचा मृत्यू झाला.

झालेली घटना वन विभागाच्या हद्दीत झाल्यामुळे हे मध पोळे काढण्यात वन विभागातील काही अधिकारी यांनी सायबू मुकणे याला सांगितले असल्याचे सायबू मुकणे याने फोन वर्ती बोलताना सांगितले असल्यामुळे
भोर तालुक्याचे माजी पंचायत समिती सभापती लहू नाना शेलार व समाजिक कार्यकर्ते सोमनाथ उकिंरंडे यांनी राजगड पोलीस स्टेशन नसरापूर येथे वन विभागातील दोषी अधिकाऱ्यांच्यावर सदोष मनुष्य वधाचा गुन्हा दाखल करण्यासाठी निवेदन दिल्या मुळे
बनेश्वर मंदिर ट्रस्टचे सचिव श्री. अनिल भा. गायवळ (रा. नसरापूर) व सायबू मारुती मुकणे ( रा वागजवाडी) यांच्यावर स्वतःचा गुन्हा झाकण्यासाठी वन विभागात आग लावून मध पोळे काढले म्हणून स्वतःचा पेन चालवत गुन्हा दाखल केला आहे अशी चर्चा नसरापूर परिसरातील नागरिक करत आहेत.
पण एक निष्पाप तरुण युवक आपल्या प्रणाला मुकला असून मृत विष्णू मारुती पवार याला न्याय कधी मिळणार अशी पण चर्चा आहे.

श्री. सायबू मारुती मुकणे (रा. वाघजवाडी, किकवी, ता. भोर) व इतर मजुरांनी कोणतीही अधिकृत परवानगी न घेता वनक्षेत्रात प्रवेश करून हे कृत्य केल्याचे तपासात पुढे आले. यानंतर वन विभागाने संबंधितांविरुद्ध Indian Forest Act, 1927 (भारतीय वन अधिनियम १९२७) तसेच Wildlife Protection Act, 1972 (वन्यजीव संरक्षण अधिनियम १९७२) अंतर्गत गुन्हा दाखल केला आहे. गुन्हा क्र. जा.क्र./गुन्हा/८९०/२०२५-२६ दिनांक १९ मार्च २०२६ असा नोंदविण्यात् आला.

गोर गरीब आदिवासी समाजातील तरुण आपल्या पोटाची भूक भागवण्यासाठी जीवावर उदार होऊन घातकी काम करण्याचे धाडस करत असतात याचा फायदा धन दांडगे घेतात हे कुठे तरी थांबावे व मृत विष्णू पवार याला न्याय मिळवून देण्यासाठी पुढील दोन दिवसात भोपाळ येथील मुख्य वन विभाग कार्यालयात पत्रा द्वारे व पुणे जिल्हा ग्रामीण पोलीस अधीक्षक यांना समक्ष निवेदन देणार असल्याचे लहू नाना शेलार यांनी सांगितले आहे.

The post वन विभागाच्या हदीत मध पोळे काढताना झाडावरून पडून मृत पावलेल्या तरुणाला न्याय कधी appeared first on PUNE VAIBHAV NEWS.

मोरवडीतील अवैद्य मुरूम माती उत्खनन करून प्लॉटिंग करणाऱ्या व्यवसायिकांवर कारवाई कधी
( भाग 3)
पुणे वैभव: न्यूज नेटवर्क भोर

पुणे जिल्ह्यातील ग्रामीण भागात प्लॉटिंग व्यवसाय जोमात सुरू आहे.
भोर तालुक्यातील मोरवाडी येथे गेली अनेक दिवसापासून गट नंबर 610 चे जमीन मालक पंकज सूर्यकांत गुजर यांनी अवैध रित्या जवळजवळ 8 ते 10 हजार ब्रास मुरूम माती चे उत्खनन करून मोठ मोठ्या टेकड्या फोडून प्लॉटिंग व्यवसाय सुरू केला आहे.
स्वतःच्या फायद्यासाठी गुजर यांनी महसूल विभाग भोर यांच्या पासून कोणत्याही प्रकारचा परवाना काढलेला नसताना देखील दिवस रात्र महसूल विभागाच्या नाकावर टीचून जेसीबी पोकल्यान ट्रॅक्टर डंपर च्या साह्याने प्लॉटिंग व्यवसाय जोमात सुरू आहे.
किकवी मंडल अधिकारी पांडुरंग लहारे व तलाठी ओंकार गिरी यांनी काही दिवसापूर्वी प्लॉटिंग चालू असलेले ठिकाणी जाऊन दंडात्मक कारवाई केलेली होती पण दंडात्मक कारवाई केलेला पंचनामा अद्याप भोर तहसीलदार कचेरी मध्ये जमा केलेला नसून ही कारवाई का थांबली असा सवाल मोरवाडी व परिसरातील नागरिक करत आहेत.
जर दंडात्मक कारवाई झाली तर मोरवाडी ग्रामपंचायतीला सार्वजनिक कामे करण्यासाठी भरपूर निधी उपलब्ध होईल .
पण महसूल विभाग कर्मचारी स्वतःचे खिशे भरून नेमके कोणाचे काम करत आहे अशी चर्चा गावातील नागरिक करत आहेत.
शेतजमिनींचे रूपांतर बेकायदेशीरपणे निवासी प्लॉटमध्ये केले जात असून, यासाठी मोठ्या प्रमाणावर मुरूम व माती काढून भूभाग सपाट केला जात आहे. या प्रकारामुळे पर्यावरणाची हानी होत आहे.
. यामुळे जमिनीची सुपीकता कमी होत असून भविष्यात शेतीसाठी अडचणी निर्माण होण्याची शक्यता आहे.
दरम्यान, महसूल व खनिज विभागाकडून या प्रकरणाकडे दुर्लक्ष होत असल्याचा आरोप स्थानिक नागरिकांनी केला आहे. अनेकदा तक्रारी करूनही कोणतीही ठोस कारवाई होत नसल्याने नागरिकांनी नाराजी व्यक्त केली आहे.

The post मोरवडीतील अवैद्य मुरूम माती उत्खनन करून प्लॉटिंग करणाऱ्या व्यवसायिकांवर कारवाई कधी appeared first on PUNE VAIBHAV NEWS.

मोरवडीतील अवैद्य मुरूम माती उत्खनन करून प्लॉटिंग करणाऱ्या व्यवसायिकांवर कारवाई कधी
( भाग 3)
पुणे वैभव: न्यूज नेटवर्क भोर

पुणे जिल्ह्यातील ग्रामीण भागात प्लॉटिंग व्यवसाय जोमात सुरू आहे.
भोर तालुक्यातील मोरवाडी येथे गेली अनेक दिवसापासून गट नंबर 610 चे जमीन मालक पंकज सूर्यकांत गुजर यांनी अवैध रित्या जवळजवळ 8 ते 10 हजार ब्रास मुरूम माती चे उत्खनन करून मोठ मोठ्या टेकड्या फोडून प्लॉटिंग व्यवसाय सुरू केला आहे.
स्वतःच्या फायद्यासाठी गुजर यांनी महसूल विभाग भोर यांच्या पासून कोणत्याही प्रकारचा परवाना काढलेला नसताना देखील दिवस रात्र महसूल विभागाच्या नाकावर टीचून जेसीबी पोकल्यान ट्रॅक्टर डंपर च्या साह्याने प्लॉटिंग व्यवसाय जोमात सुरू आहे.
किकवी मंडल अधिकारी पांडुरंग लहारे व तलाठी ओंकार गिरी यांनी काही दिवसापूर्वी प्लॉटिंग चालू असलेले ठिकाणी जाऊन दंडात्मक कारवाई केलेली होती पण दंडात्मक कारवाई केलेला पंचनामा अद्याप भोर तहसीलदार कचेरी मध्ये जमा केलेला नसून ही कारवाई का थांबली असा सवाल मोरवाडी व परिसरातील नागरिक करत आहेत.
जर दंडात्मक कारवाई झाली तर मोरवाडी ग्रामपंचायतीला सार्वजनिक कामे करण्यासाठी भरपूर निधी उपलब्ध होईल .
पण महसूल विभाग कर्मचारी स्वतःचे खिशे भरून नेमके कोणाचे काम करत आहे अशी चर्चा गावातील नागरिक करत आहेत.
शेतजमिनींचे रूपांतर बेकायदेशीरपणे निवासी प्लॉटमध्ये केले जात असून, यासाठी मोठ्या प्रमाणावर मुरूम व माती काढून भूभाग सपाट केला जात आहे. या प्रकारामुळे पर्यावरणाची हानी होत आहे.
. यामुळे जमिनीची सुपीकता कमी होत असून भविष्यात शेतीसाठी अडचणी निर्माण होण्याची शक्यता आहे.
दरम्यान, महसूल व खनिज विभागाकडून या प्रकरणाकडे दुर्लक्ष होत असल्याचा आरोप स्थानिक नागरिकांनी केला आहे. अनेकदा तक्रारी करूनही कोणतीही ठोस कारवाई होत नसल्याने नागरिकांनी नाराजी व्यक्त केली आहे.

The post मोरवडीतील अवैद्य मुरूम माती उत्खनन करून प्लॉटिंग करणाऱ्या व्यवसायिकांवर कारवाई कधी ( भाग 3) appeared first on PUNE VAIBHAV NEWS.